عمـــــــــــــــــــــــــــــــــار يا مصر

بصراحة انا بحب مصر جدا

لكن بكره التخلف و الروتين و الظلم جدا جداااااااااااااااا
.
انا اينعم زى ما الكل بيقولى "انت لسة مشفتش حاجة"

بس برضه شفت حاجات تطير الدماغ


.
حكايتى مع المرور.....,
.


يوم التلات اللى فات كنت عند ناس قرايبى

فى لوران"ده منطقة فى اسكندرية"

و كنت ماشى بالعربية فى شارع جانبى و طالع على شارع رئيسى

لقيت عند بداية الشارع عربيتين واقفين

المهم عطيت كلاكس و رعشان بس بدون استجابة و كان الناس واقفين

جنبهم المهم بدأت ارجع , لمحت شخص طلع من وسطهم يبص عليا

و طلع ظابط مرور و تقريبا دى لجنة او حادثة و تقريبا كتب ارقام عربيتى

المهم وقفت شوية عن الرجوع عشان لو عايز حاجة ييجى

بس هو مجاش فرجعت و دخلت من الشارع اللى قبليه على الشارع الرئيسى

لقيت الظابط طلع من الشاره الجانبى الاولانى و وقفنى و قاللى اركن على جنب

و بيقول للعسكرى كلبش العربية دى و رجع مكانه

و العسكرى ما صدق و جى يكلبش

قلتله اصبر متكلبشهاش و نزلت اكلم الظابط,

.

قلتله خير؟

قاللى رخصك

طلعتهاله و قلتله اتفضل

بيقوللى سير مخالف (على الشارع الجانبى)

قلتله مخالف ازاى؟

قاللى ان الشارع ده اتجاهه عكس منا كنت طالع منه

"المهم ان انا مكملتش فيه 10 متر قبل ما ارجع"

بس هو قال يتوصى بيا و يعمل واجب اضافى... يعنى مش معقول يدفعنى غرامة سير بس

فقعد يلف حوالين العربية و قاللى

عندك ستارة على الزجاج الخلفى

و طلع قدام و قاللى عندك انوار زايدة

"الفوج لايتس"

مع انى مكنتش مشغلها نور عالى

قلتله: انا مكنتش اعرف ان الشارع ده مخالف لأنى اول مرة امشى فيه

و دى حقيقة فعلا.. و مكنش فيه علامة حتى ولا اى حاجة

و قلتله انوار الشبورة دى انا عاملها اضاءة ضعيفة

و يقوللى انت قاصص الجزء الانجليزى اللى فى اللوحات

و قرر يسحب الرخصتين

قلتله: طيب ليه .. متسحب رخصة العربية بس

قاللى لأ هو كدة

و روح خدهم من المرور بكرة

و اخدت الوصل و مشيت
.


اللى يغيظ انا 3/4 عربيات البلد حاطين شماسة على الازاز اللى ورا

و 3/4 العربيات الجديدة بتنزل بأنوار شبورة و ناس كتيرة مركباها لو معندهاش

اللى نفسى اعرفه :هو حلال ينزل فى العربية لكن حرام حد يركبه ؟

و كمان لما هو ممنوع ليه البلد بتسمح بأستيراده و بيعه ؟

و موضوع قطع الجزء الانجليزى

اللوحات طول عمرها بتنزل عربى بس الا من سنتين تلاتة ولا حاجة

بدأوا يعملو فيها انجليزى و حتى شكله متخلف


.
نيجى للأهم
.
لما رحت المرور تانى يوم الرخص مكتش جت

و هو بس قاللى روح بكرة عشان اضرب مشوار ع الفاضى

المهم خليت واحد يسألى اليوم اللى بعديه

قاللى انها جت و ان الظابط كاتب تقرير فى العربية

و طالب مناظرة بينى و بينه قدام وكيل النيابة

و لازم اعمل فحص

المهم رحت تانى يوم عشان اعمل فحص و اثبت

انى شلت الستارة و الانوار و انا اللوحات سليمة

اول حاجة الموظفة قالت اعمل فحص و اثبت انك شلت الانوار

رحت طبعا المنطقة بتاعة الفحص بعيد عن المرور شوية

و كتبلى تمت ازالة الانوار

رجعتلها بالفحص قالتلى لأ دنتا مكتوبلك ستاير و قطع لوحات كمان

ارجع افحص تانى

رجعت لمكان الفحص و المهندس كتبلى تمت ازالة الستارة

و قاللى اللوحات مقصوص منها و تعتبر مزورة !!! يا سلااااااااااااام

قلتله ما هى كدة زيها زى اى لوحات مفيهاش انجليزى

قاللى لأ التانية بتبقى نازلة كدة و لازم تغير بتاعتك من وحدة المرور التابع ليه

حاولت اتفاهم معاه لكن سابنى و مشى و مرضاش يرد تانى

المهم رجعت للموظفة اللى عندها الرخصة و معايا الفحص

و اضطريت استخدم اسلوب الكوسة عشان اخلص من وجع القلب ده

و عرفت اخلص من موضوع مناظرة الظابط و موضوع تغيير اللوحات

قالتلى روح ادفع تامين لوحات 30 جنيه

ده بند للسرقة فى المرور "سرقة مقننة" يعنى لما جبت العربية من 4 شهور دفعتهم

و كان عندى مخالفة من شهر دفعتهم و بيندفعو فى اى دخلة للمرور طبعا بالأضافة للغرامة

بعدين قالتلى روح مبنى بتاع المحكمة سلم الانوار و خللى وكيل النيابة يمضى

رحت هناك سألت قالولى روح لمكتب مش عارف مين عشان تتغرم

رحت و طلع كريم شويتين و كتبلى غرامة 100 جنيه

و قاللى انزل ادفعهم فى الخزنة

نزلت دفعت و بعدين طلعت لمكتب كدة فيه تسليم الانوار قالتلى كمان لازم تسلم الستارة

نزلت تانى جبتها من العربية

و طلعتهالها مع الانوار كتبتلى ورقة و قالتلى روح لوكيل النيابة و قله معايا حرز ! و خليها يمضيلك

طبعا انا مسمعتش كلمة حرز دى الا فى قضايا الممنوعات و السرقة... فجأة الانوار و الستارة بقو حرز

المهم بقى مكتب و كيل النيابة ده حوالين الباب و جو المكتب بتاع 10-15 مخبر كدة

اول ما تقرب بس يهجمو عليك و :اقف هنا داخل فين و عايز ايه؟؟

وكأنى متلغم و داخل اعمل عملية انتحارية و كأنه هو رئيس الجمهورية

المهم اخدت الامضاء و رجعت للأخت اللى سلمتلها "الحرز"

قالتلى روح المبنى اللى فى الوش عند مباحث المرور و خد رقم قضائي

و رحت اخدت الرقم و رجعتلها عاطتنى تأشيره استلام الرخصة من الموظفة الاولى

و رحت اخيرا استلمتهم اخيرا بعد 3 ساعات من اللف و الطلوع و النزول لما خلاص كرهت الدنيا

و فى الاخر عاطيننى الرخص كل واحدة وخدة 5 دبابيس دباسة يعنى 10 خرام لما بقت زى المصفى

و دفعت فى اليوم ده 150 جنيه بالاضافى لفوانيس الشبورة و الستارة اللى اخدوها


.

.
اللى يجن بقى فى البلد دى

ان الحاجات اللى بيخدوها دى بتتوزع على الاصحاب و الحبايب

وتلاقى الظابط او وكيل النيابة او اى حد واصل

ضارب الفاميه الsuper dark black
فى عربيته و عامل اللوحات سوداء فى حجم علبة الكبريت

او ماسح الارقام منها او حاطت سرينة نجدة و دى طبعا "محرمة على الشعب"

بس حلال للباشوات و البهوات

و حاطط جميع الحاجات الممنوعة فى العربية

و يركن فى الممنوع و يمشى مخالف من غير ما يتكلبش ولا يتاخد مخالفة
.

.
طبعا كل ده يدل على العدل و المساواة و يرفع من الروح المعنوية للواحد و يخليه يحب البلد جدا

الحب

من انت ايها الحب؟

لماذا لم تعرفنى بنفسك؟

لماذا تركتنى اعرفك بمرور

الايام و السنين؟؟

لقد اكتشفتك على حقيقتك...

انت مصدر الالم والعذاب

لكل من يفكر بك

انت اكبر مداخل الضعف الذى

قد يصيب انساناً

فيتركه بقايا انسان

لقد ذهبت منذ زمن بعيد

و ذهبت ايامك

لم يتبق منك الا بعض القصص, الحكاوى و الاساطير

لقد ذهبوا من كانوا يقدرونك

فذهبت معهم...بلا رجعة

و خَلَفَك فى زماننا احاسيس كاذبة

تستتر تحت اسمك و تندس فى ثيابك

لقد انخدعت فيها يوماً

و لم اجد غير الالم يوم افقت

فأدركت ما حدث..و لكنى لم

ادركه بقلبى فقد كان هو الضحية

و لكنى ادركته بعقلى

ادركت انه وهم كبيـــــر

لا يندمج فيه عقل حتى يطير

هل تستطيع العودة اللى هذا الزمان التعس؟

فتقضى على من يرفعون رايتك

و ليسوا من اتباعك؟

هلا تعيد الينا الحياة؟

هلا تدخل بين الاخ و اخيه؟

بين الصديق و صديقه؟

بين كل اثنين تمنوا الحب؟

بين الناس جميعاً؟

فقد تركت بينهم فجوات واسعة

فجوات ملأها الالم و العذاب

و لكننى مثل من يجرى وراء السراب

فأنت مثلما قلت... ذهبت و ذهبت ايـــــــــامك

و لكن رجـــــــــاءً لا تنسانى اذا ما عدت

يوماً

و لكن لا ادرى هل ستجدنى مازلت هنا ؟؟

سهران

مرت الساعة الثالثة صباحا

سهران وحيدا...لطالما كنت وحيدا

.

لا احد يشعر بى ...مثلما يحدث دائما

اشعر بتعب شدييييييييد

الحزن و الهم يكادا يعتصرا قلبى

.

لقد عادا الى بعد ان رحلا عنى

لا ادرى هل افتقدانى فرجعا؟؟

ام انى توهمت انهما قد فارقانى

و انهما معى منذ البداية؟

.

لقد عاد عقلى الى التفكير ثانية

بعد ان ظننت انه قد تخدر فى

الفترة الماضية...

فقد بدت لى نفسى

مرتاحة البال قد صارت تستطيع النسيان

و لكنى كنت خاطئا... للأسف

.

لقد ضاقت نفسى من كثرة كتمان

ما رآه قلبى و عاناه

و تسألنى الم يأن الوقت ان تخرج

ما بداخلها؟؟؟

.

و لكن يبدو ان هذا قدرها..

تعيش فى كتمان ما فات....حتى الممات

.

تعجز الحروف و الكلمات عن التعبير

عما يعتصر قلبى فيحطمه

و يمزقه ارباً

ولا شئ يخرج سوى

آآآآآآآآآآه يا قلبى

TaaaaaaaaaaaaG

I have been tagged from a dear friend "VERO"
el sara7a hwa kan wa3edny yedabesny men fatra
bs lazem arod tab3an 3al tadbeesa de :D

section 1
1-last beverage?
Mirinda
2- last phone call ?
link DSL ;)
3-last instant message ?
msh faker
4- last cd played ?
my SAD playlist
5-last time u cried ?
mn fatra msh be3eeda

section 2

hv u ever
1-date some one twice?
i don't date aslan
2- been cheated on ?
yes :((
3-kissed some one ®retted it ?
NO
4-lost some one special?
Yes, My heart
5- been depressd ?
Most of time
6- been drunk thruw up ?
No NEVER

section 3

list 3 favourit coulors
Blue , Yellow, Black

27'er section ya gama3a 4 this month

hv u
1-made a new friend ?
yes tab3an
2-fallen out of love ?
yes
3-laughed untill u cried?
no
4-met some one who changed ur life?
not yet
5-found out who ur true friends were?
yes
6- is there some thing u want to tell some one?
yes tab3an
7-u kissed any one on ur top friends?
w feeha eh msh so7aby ?
8- how many ppl in ur top friends do u know in ur real life?
many to count
9- how many kids do u want to hv?
2 or 3 , w ba3deen d 7aga bta3et rabena :)
10-do u wanna change ur name?
No i Luv it "EslaM" & Luv what it mean
11-wt did u do 4 ur last birth day?
nothing special
12-wt time u wake up to day?
10:00 or 11:00 AM
13- wt were u doing at last mid night?
i was out with my friends
14- name some thing u cant wait 4 ?
my driving license
15-last time u saw ur father?
yesterday
16-wt is one thing u wish 2 change about ur life ?
7al el balad
17- wt r u listening now?
soot el b7r
18- hv u ever talk to some one behind their back?
no, Ana bakrah el mawdoo3 dah gedaaaaan :(
19- wts the last piece of cloth u borrowed 4om some one ?
nothing...eh el so2al el 3'areeb dah !!
20-who getting in ur mind right now ?
kol el nas ely ba7ebaha
21-most visited web page ?
all my homepages
22-hv u been kissed 4om any one last week ?
my family & friends



w hadabes feeh;

tota http://tota-8reba.blogspot.com/
shahy http://tearwhispers.blogspot.com/


wel sara7a msh la2y 7d tany la2en mo3zam el nas megawba el tag da abl keda

قلبى خريفاً

.

لـقد صــار قــلبى خريـفاً حزيـناً
.
تتسـاقـط مـنه الـذكـريـات بالألم
.
تتسـاقـط مـنه الـمعانى الى العدم
.
فـتتحطــم أرضــاً عــند القــدم
.
تتسـاقط مثلما تفعل اوراق الشجر
.
تتبخـر مثلمـا تفعل ميـاه البحر
.
لقــد ذهـب كـل شـئ بعد ان كــان مـوجوداً..

.

و اخـتفـت المعـانى والاحـاسيس مــن الــبشر
.
فهل نأبى؟؟ ام نقول انه القدر ..

.

و نقبل بأن البشر لم يصبحوا بشر

.

و انما صاروا مصادر غدر و شر؟

.

copy right for bRoKeN HeArT

سبحان الله

.
كالعادة صحيت الصبح بدرى على
ضــوء الـشـــمس لأنـــى متعود
مــقفلــش الشبـــاك الا نـــادرا

.
و بالعافية قمت من السرير بعد صراع
فجأة لقيت نفسى قدام المنظر الرائع ده
سبحان الله,

.
هــو فــعلا مــنظر مــش غــريب عليــا
بــس مــعرفش لــيه شــدنى جــــامد

.
مديت ايدى اجيب الكاميرا من

على المكتب و فتحت زجاج الشباك

و صورت الصورة دى

.

و سندت ايدى على الشباك

و غرقت وسط المنظر الرائع ده

.
نــسيت انى صاحى بــدرى عشان
اذاكــر لإمتحـــان النهــــاردة
و نســــيت الامــــتحان اصلا
.
مفيش حاجة مسيطرة عليا غير
منظر الشمس بآشعتها الدافية
و هى بتنعكس على مياة البحر بعد ما
بتخترق السحاب الابيض الجميل

.
و مفيش صوت غير البحر ..موج البحر

.
مر شريط سريع قدام عنيا فيه شوية
ذكرايات, حكايات, اشخاص,
مواقف ,....... ألم
.
و فضلت سرحاااااان كده فترة طويلة

مش حاسس بأى حاجة حواليا

غير المنظر ده

.
بس فعلا سبحان الله اللى خلق الصورة
الجميلة دى

.
الصراحة,كان نفسى افضل على طول
انا و الطبيعة لوحدنا
.
بس مفيش حاجة خلتنى اخرج
من اللى كنت فيه غير انى
افتكرت ان لازم اقوم احضر نفسى
عشان انزل لأنى لو اتأخرت
مش هلحق اول سكشن

فى الكلية

التعديلات البتنجانية

البتنجان *قصدى الدستور بيتعدل و احنا ساكتين

.

أهم الحقائق حول تعديلات الدستور المصري 3/19/2007 11:19:25

القاهرة (رويترز) - أقر مجلس الشعب المصري يوم الاثنين تعديلات على 34 مادة في الدستور اقترح الرئيس حسني مبارك ادخالها

في ديسمبر كانون الاول الماضي فيما قال انها اصلاحات ديمقراطية.
ولا تصبح التعديلات الدستورية نهائية الا اذا وافق عليها الناخبون في استفتاء عام.
وفيما يلي أهم الحقائق حول التعديلات..
- تقول أحزاب وجماعات المعارضة ان التعديلات تلغي الاشراف القضائي الكامل على عملية الاقتراع في الانتخابات العامة. وتطالب ومعها منظمات المجتمع المدني ببقاء الاشراف القضائي الكامل باعتباره من أفضل وسائل منع الانتهاكات والمخالفات التي تشوب الاقتراع في مصر.
- تبقي التعديلات على اشراف قضائي لكن على مستوى لجنة عليا للانتخابات ولجان عامة. أما لجان الاقتراع وفرز الاصوات فسوف تتشكل على الارجح من موظفين في الحكومة.
- قالت أحزاب وجماعات المعارضة الرئيسية في بيان ان تعديل المادة 179 سوف "يوقف الضمانات الدستورية للحريات الشخصية... ويفتح الطريق للدولة البوليسية."
ويمهد تعديل المادة لسن قانون لمكافحة الارهاب يحل محل حالة الطوارئ المعلنة منذ اغتيال الرئيس أنور السادات برصاص متشددين اسلاميين عام 1981.
- يدعو تعديل المادة 179 لتعطيل الضمانات الدستورية التي تكفل الحرية الشخصية ضد الاحتجاز والتفتيش والحبس أو تقييد الحرية أو المنع من التنقل الا اذا قامت ضرورة يقررها قاض ويستدعيها تحقيق تجريه النيابة العامة.
- يسمح تعديل المادة 179 للسلطات الامنية بدخول المساكن وتفتيشها بدون أمر قضائي مسبب كما توقف الحماية القانونية لحرمة الحياة الخاصة وتسمح بالاطلاع على المراسلات البريدية والبرقية والتنصت على المحادثات التليفونية.
- يسمح تعديل المادة 179 لرئيس الدولة بإحالة المدنيين الى المحاكم العسكرية.
ويقول محللون ان تعديل المادة 179 يجعل بعض بنود قانون الطوارئ المطبق حاليا جزءا من مواد الدستور.
- تسمح التعديلات لرئيس الدولة بحل مجلس الشعب دون الرجوع للناخبين.
- تحظر التعديلات أي نشاط سياسي يقوم على أساس ديني أو مرجعية دينية. ويقول محللون ان ذلك يستهدف في الاساس جماعة الاخوان المسلمين وسيصيبها بضرر شديد وستقضي على أمل الجماعة وهي أكبر جماعة معارضة في البلاد في أن تصبح حزبا سياسيا

معترفا به الامر الذي قد يؤدي الى تقليص دورها في الحياة السياسية

.

ايه رأيكم يا مصريين ؟.

هما عايزين يعدلو الدستور عشان يقبضوا على اى حد من غير اذن نيابة

يعنى ممكن ظابط يشتبه فى اى حد و يقبض عليه

حتى لو برئ

يعنى ممكن واحد ماشى مع خطيبته و الظابط عايز يعرض مهارته

يقوم يقبض عليه هو اه هيطلع بس هيبقى اتحط فى موقف محرج و شكله وحش و محدش يقدر يلوم الظابط

لأن ده الدستور الجديد

ما هو لو حصل التعديل يبقى 100% هيحصل قبض

انا اقولك , دلوقتى هما عايزين يصفو الاخوان المسلمين عشان هما واجعين دماغ الحكومة.... و محهزبن المعتقلات لأستقبالهم من فترة.... و مش قادرين يمسكو عليهم غلطة ,, ده حتى الاخوان حلقو ذقونهم عشان ميتمسكوش.... عشان كدة هما عايزين يخلو القبض عادى

عشان يعرفو يصفوهم

ده طبعا غير التعديلات الاخرى يعنى مثلا هيبقى من حق رئيس الجمهورية انه يحل مجلس الشعب بحريته

و تقليص دور القضاء او بمعنى اصح يلبس العمة و يتحط جنب الحيطة..بس حسبنا الله و نعم الوكيل

اذا كنت مصرى بجد و يهمك مستقبل بلدك عليك بالاعتصام والتظاهر والمبيت في ميدان التحرير احتجاجا على التعديلات الدستورية المقرر إجراء استفتاء شعبي عليها الاثنين.

شاهد تزوير التصويت على الدستور

http://www.metacafe.com/watch/500206/

ليه؟؟؟

ليه بننجرح من اقرب الناس لقلوبنا

هل عشان بنحبهم بشدة و نتوقع منهم

على الاقل انهم يردولنا المثل

و لا عشان احنا مش قريبين لقلوبهم

زى ما هما قريبين لقلوبنا

ولا فعلا انعدم الإحساس و مراعاة المشاعر

ولا إيه؟؟؟

ليه الواحد كل شوية بيكتشف انه كان

مخدوع فى حد كان من اقرب الناس له؟؟؟

ليه مبقاش حد يحس بأقرب الناس اليه؟؟؟

ليه لازم يستنو لما الواحد يبعد او يتعب

عشان يبدأو يحسو بيه؟؟؟

و ليه لما الواحد بيسامح بيتمادو و يرجعوا

زى الاول و اكتر؟؟؟

فعلا صدق اللى قال

"الطيب مالوش نصيب فى الزمن ده"

هو ده اللى بيسموه الجبان

الواحد عايش الحياة دى فى معاناه فعلا

و الناس مش سايبين الواحد فى حاله

سواء يتكلمو عليه

او يطلعو عليه اشاعات

او يوقعو بينه و بين حد تانى

حاجة غريبة والله

المشكلة ان الواحد ولا بيحب يتكلم على حد

او يجيب فى سيرة حد

او يشتم حد فى غيابة

على اساس يعنى ان ميعملش الحاجة اللى ميرضهاش

على نفسه

و فى نفس الوقت عشان حرام

بس للأسف

الواحد بيكتشف ان فى ناس مريضة

معندهمش الشجاعة انهم يتكلمو قدامه

كل اللى يقدرو يعملوه انهم يتكلمو من ورا ظهره

و يفترو و يكدبو

بس انا شايف انهم ميستهلوش الواحد يواجهم او يعاتبهم

لأنهم عمرهم ما هيحسو....!؟

بس الواحد مش بإيدو حاجة غير

"حسبى الله و نعم الوكيل"

يا ريت تسيب رأيك

فى الاول

"بسم الله الرحمن الرحيم"

قبل أى حاجة و قبل أى كلام

دى اول و اجمل كلمات احب افتتح بيها البلوج

و ان شاء الله تقضوا وقتكو و تستمتعوا معايا